|
|
Vasteloavend karnaval |
 dat is bienoa neet oeët te lègge, 't is get luuj, dat môt me pakke, dat môste belaeve om 't te sjnappe. De luuj zint de luuj mit dees daag niet mieë, me drink en me sjprink, es 't geit soms vuer twieë, eekerein kint zich, auch al is me verkleid, woerom noë dees daag gein ongersjeid? Groeëte en kleine, erme en rieëke, sjieëne opins gans angesj te lieëke, alles versjteit zich en alles mak lol, kint dat neet dèkker, op dae waereldse bol? Mè mit Essjelewoonsdig, dan huert dat weer op, al die goow vrunjdsjap, lik dan op g'n vot, Me is neet verkleid, en toch... me kint zich neet mieë, 't zal waal zoeë motte, 't zal waal zoeë zieë. Vasteloavend, karnaval, wie zal ich 't zegge, hub ich 't waal... of neet, oeët kinne lègge. Mè... al woar 't allein vuer vrunjdsjap of sjpas, mit ènne hood en get loemele oeët de karnavalskas, joamer... weg vrunjdsjap, weg sjpas, weer vuer ein joar, ich woll... dat 't dèkker karnaval woar. Wullumke Gedicht geschreven door Wiel Jacobs (Ransdaal)
|
|||||